Gundula un de Stuventiger (PLATT) - Op'n Swutsch

An XXL-page from my Plattdütsch webcomic Gundula un de Stuventiger, which also has an English version called Master the Tiger. I'll post the English version of this page as soon as I'm finished with this one.
I uploaded it here, because I believed it'd exceed a 2MB page size limit of the Duck, and that I'd have to split it there, but nevertheless wanted to give my Platt readers the same opportunity of viewing it as a whole that I'm about to give to my English-speaking readers, as well. Turned out that the Duck has done away with this size limit; instead you may not upload more than 20MB in one go. Fair play, I think. But now it's here, and seeing that it has already been favourited (thanks!) I might as well leave it here.

Moin Lüe!

Nu hebb ik bilütten düsse "Siet" fardig kregen. Se is 'n beten lang worrn, aber dat kannst mit mi mannichmal hebben.

Ji mütt weten, dat ik jümmers nipp un nau weet, wo'n Szeen lett, bevör ik ok blots een lütten Streek mit'n Penzil maakt hebb, blots dat ik mi dat tomeist so vörstell as wenn sik dat bewegen deit, just as'n Film. Dat is goot, wiel ik so de Bewegen vun de Minschens un vun't Veehtüüg jümmers goot infangen kann (dat hebbt al 'n paar Lesers in ehr Kommentare seggt, denn dröv ik dat ok seggen ) - ik kiek mi den Film vör mien inner Oog in Tiedluup an un pick mi de besten Billers to'n Teken rut. De Nadeel is aber, dat ik mannichmal nich glieks weet, woveel Billers ik för'n Siet bruuk - just as'n hier sehn kann.
Dat Problem weer aber, dat ik de Siet partu in een Stück laten wull, ok wenn se so groot is. Anners, ducht mi, is se nich so lustig. Woneem harr ik se denn twei kloppen könnt? Doch blots an de Stell, wenn Gundi Thorsten to'n Armdrücken rümkriggt! Davör geit nich, denn denn weet keeneen, wat düsse Besöök in'n Viddel schall, aber dorna weet ji al Bescheed, wat passeert. Wenn ji nich glöövt, dat ik uns Zoffie wohraftig bleeksteert in't Nett stellen do, ne? Heevt mal jon Hand, wenn ji dat dacht harrt... Wat? So veel?
Ik glööv, dat de Geschicht goot is, wenn se in een Stück kaamt, aber nich wenn ji 'n Week op den Utgang töven mütt.

Nu denn! Wat gifft't düt Mal to sehn: Gundi, Zoffie un Fine (de wi just kennenlehrt hebben, se is ok op de tokamen Siet dorbi, un denn kiek ik, of ji se lieden könnt. Villicht kaamt se wedder, villicht ok nich, blots noch mal op Kohltour oder so) geit op'n Swutsch in'n Viddel. Gundi wahnt an'n Rand vun'n Viddel (fröher harrt de Lüe op'n Peterswarder seker seggt, dat se dor nix mit to kregen harrt, aber vundaag kann'n mehr Meed kregen, wenn't dorto höört, un mit'n Mal liggt woll half Bremen in'n Viddel ), un denn mutt ik dat woll ok mal teken. Vundag hebbt wi in'n ersten Bild dat "Bermudadreieck" (dor wo Fehrfeld, Humboldtallee un Herderstraat tosamm kaamt) un in'n dritten Bild 'n Ansicht vun Vör'n Steintor (bi de Römerstraat, Blick ut de Stadt rut). Düsse Spelunke, "De Trummel", hebb ik mi aber utdacht. Ik segg mal, dat de in een vun de lütten Sietenstraten in'n Steentorviddel ween mutt. De Naam is mien Art, vör de Autoren, de mi bannig inspireert hebbt, mien Hoot to tehn - bi us Comiclüe is dat Traditschoon. In düssen Fall is dat mal woller Terry Pratchett.
Wenn ji in Bremen in'n richtig goten Kroog wüllt, woneem een woll nich mit Gundi Armdrücken mutt, aber mi mal'n Beer utgeven, den schallt ji mal nach Walle gahn, na de "runde Ecke" an'n Osterfeuerberger Ring. De Laden harr aber nich to düsse Geschicht passt, de is veel to goot un kommodig.
För de Geschicht hebb ik ok 'n beten vun Lucky Luke klaut, denn dor maakt Calamity Jane just sowat mit'n anner Keerl. Ik hebb lang wusst. dat dat just is, wat Gundi woll ok maakt, un dat ik jichenswann nich anners kann, as dat ik dat teken do. Mi duch dat passt ganz goot in so'n Kaschemm in'n Viddel. Dat schadt aber nix, denn de Rest is vun mi, un mien Geschicht is so kumplett anners, dat'n dor Inspiratschoon to seggen kann - dorto seggen mutt.

Ik bün man sölbens'n Keerl, un will hier ok nich predigen, aber wat so'n Thorsten maakt, dat geit nich an. So kann'n mit'n Deern nich ümgahn! Ik keen een oder twee, de mien Comic lesen deit, un sik över so eenen argert hebbt - blots dat Gundi nich dorbi weer. Düsse Siet is för jo.
Ik glööv ok, dat so'n Keerl as Thorsten gor keen Fru hebben will, denn so kriggt'n seker keen. Anners kann ik mi nich verklaren, worüm de dat deit. Na ja, aber ik weet just ok nich, wo jichenseen freewillig in Flipflops inne Stadt gahn mach. Wat Mood is, lett, segg ik blots.

Nu noch wat ganz anners: Tokamen Week kiek ik mi London an, un denn geit dat torüch nach Hus, op'n Kontinent. Ik glööv nich dat ik'n neie Siet maken kann, bet ik dor bün un mien Kraam utpackt hebb. Aber keen Bang! Deit mi leed, dat ji'n beten töven müttst, aber dat geit ganz seker wieter. Dorüm:

Kiekt mal woller rin!